ŨNDŨ ŨCIO NĨ WA BATA NĨKĨ? No mũhaka andũ merute ithimi cia Jehova na magarũre mĩthiĩre yao ĩtwarane nacio nĩguo ũthathaiya wao wĩtĩkĩrĩke nĩ Ngai. (Isa 2:3, 4) Ibuku rĩa “Wendo wa Ngai” nĩrĩo ibuku rĩa kerĩ rĩa kũruta andũ Bibilia, na rĩteithagia arutwo kũmenya ũrĩa motaaro ma Bibilia mahũthĩkaga o mũthenya. (Ahi 5:14) Rĩrĩa tũramaruta, no mũhaka tũkinyĩre ngoro nĩguo magĩe na muonere ũrĩa wagĩrĩire ũngĩtũma meke ũgarũrũku.—Ro 6:17.

ŨRĨA TŨNGĨKA:

• Haarĩria wega ũgĩciragia mabataro ma mũrutwo. Wĩcirie ciũria cia mawoni iria ũngĩmũũria nĩguo ahote kwĩyaria ũndũ-inĩ wĩgiĩ kĩrĩa mũrathoma.—Thi 20:5; be 259

• Hũthĩra tũthandũkũ tũrĩa tũrĩ ibuku-inĩ rĩu, nĩguo ũteithie mũrutwo one bata wa kũhũthĩra motaaro ma Bibilia ũtũũro-inĩ wake

• Ndũgatuĩre mũrutwo matua megiĩ thamiri, mũteithie ecũranie nĩguo etuĩre matua.—Ga 6:5

• Hũthĩra ũũgĩ kũmenya kana mũrutwo nĩ arabatara ũteithio wa kũhũthĩra motaaro mana ma Bibilia. Mwĩkĩre ngoro atue matua megemaine na wendo wake harĩ Jehova.—Thi 27:11; Joh 14:31