ŨNDŨ ŨCIO NĨ WA BATA NĨKĨ?: Jehova nĩ atũmaga mbeũ cia ũhoro wa ma ikũre ngoro-inĩ cia arĩa marĩ na “mwerekera ũrĩa wagĩrĩire wa kũheo muoyo wa tene na tene.” (Atũ 13:48; 1Ko 3:7) Tũnyitanagĩra nake na njĩra ya kũhũthĩra hinya witũ ũtungata-inĩ harĩ arĩa mehaarĩirie gwĩka mogarũrũku kuumana na maũndũ marĩa mareruta. (1Ko 9:26) Arutwo a Bibilia nĩ magĩrĩirũo gũtaũkĩrũo atĩ ũbatithio wa Gĩkristiano nĩ wa bata nĩguo makaahonokio. (1Pe 3:21) Tũmateithagia gũtuĩka arutwo a Jesu na njĩra ya kũmateithia meke mogarũrũku ũtũũro-inĩ wao, mahunjie na marutane, na ningĩ meyamũrĩre Jehova.​—Mat 28:19, 20.

ŨRĨA TŨNGĨKA ŨGUO:

• Teithia arutwo a Bibilia mamenye atĩ muoroto wa kwĩruta nao nĩ kũmateithia ‘mamenye’ Jehova na mamũkenagie.​—Joh 17:3

• Mateithie makũre kĩĩroho na njĩra ya gũtooria mĩhĩnga ta mĩtugo mĩũru na gwĩthema arata matarĩ ega

• Mekĩre ngoro na ũmomĩrĩrie matabatithĩtio na thutha wa kũbatithio.​—Atũ 14:22

MWĨROREREI VIDEO YA JEHOVA NĨ EGŨGŨTEITHIA, MŨCOKE MWARĨRĨRIE CIŨRIA ICI:

• Nĩ kĩĩ kĩngĩtũma mũndũ etigĩre kwĩyamũrĩra Ngai na kũbatithio?

• Athuri a kĩũngano mangĩteithia arutwo a Bibilia atĩa gũkũra kĩĩroho?

• Nĩ ũndũ ũrĩkũ tũreruta wĩgiĩ Jehova kuumana na rĩandĩko rĩa Isa 41:10?

• Nĩ ngumo irĩkũ igũtũteithia gũtungatĩra Jehova na njĩra ĩrĩa endaga, o na gũtuĩka tũtirĩ akinyanĩru?