Kuuma mwaka wa 2018, o ngathĩti ya riuma rĩa andũ othe yaragĩrĩria kĩongo kĩmwe. Ngathĩti icio ikoragwo thĩinĩ wa Gathandũkũ Gaitũ ka Indo cia Kũrutana. Kwoguo no tũcihũthĩre rĩrĩa tũrĩ ũtungata-inĩ. Ningĩ no tũkuue cigana ũna rĩrĩa tũrathiĩ thabarĩ kana tũgĩthiĩ kũgũra indo. Muoroto wa ngathĩti citũ ti kwĩruta na andũ Bibilia, no no iteithie mũndũ gũkũria wendi makĩria.

Thutha wa kwambĩrĩria ndeereti, no ũthomere mũndũ rĩandĩko na ũgwete ũndũ ũrĩ ngathĩti-inĩ ũrĩa ũngĩmũgucĩrĩria. Kwa ngerekano, angĩkorũo arĩ na famĩlĩ, kana arĩ na kĩeha kana mĩtangĩko, no ũmwĩre, “Nĩ njĩrĩga gũthoma ũhoro mwega wĩgiĩ ũndũ ũcio. No nguonie ũhoro ũcio?” Ũngĩona atĩ arĩ na wendi, no ũmũhe ngathĩti njabe kana ũmũtũmĩre na thimũ, o na angĩkorũo wamũhunjĩria rĩa mbere. O na gũtuĩka kũheana mabuku tiguo ũndũ ũrĩa twĩkĩrĩire mũno, ngathĩti no itũteithie kuona andũ arĩa mehaarĩirie kũhũthĩra maũndũ marĩa mareruta.​—Atũ 13:48.