Kĩĩrĩgĩrĩro nĩ ta nanga. (Ahi 6:19) Nĩ gĩtũteithagia gwĩthema maũndũ marĩa tũcemanagia namo mahaana ihuhũkanio, marĩa mangĩthũkia wĩtĩkio witũ. (1Ti 1:18, 19) Ihuhũkanio icio nĩ ta, gũkua ngoro, kũũrũo nĩ indo, ndwari ya ihinda iraya, gũkuĩrũo nĩ mũndũ twendete, kana ũndũ ũngĩ o wothe ũngĩgeria wĩhokeku witũ.

Wĩtĩkio na kĩĩrĩgĩrĩro nĩ itũteithagia kuona wega kĩheo kĩrĩa twĩrĩgĩrĩire. (2Ko 4:16-18; Ahi 11:13, 26, 27) Kwoguo, o na angĩkorũo kĩĩrĩgĩrĩro gitũ nĩ gĩa gũthiĩ igũrũ kana nĩ gĩa gũgatũũra gũkũ thĩ, no mũhaka twĩkĩrage kĩĩrĩgĩrĩro gitũ hinya na njĩra ya gwĩcũranagia ciĩranĩro iria irĩ Kiugo-inĩ kĩa Ngai. Tweka ũguo, nĩ tũrĩhotaga gũtũũra tũrĩ na gĩkeno o na rĩrĩa twacemania na magerio.—1Pe 1:6, 7. 

WĨRORERE VIDEO KENAGA NĨ ŨNDŨ WA KĨĨRĨGĨRĨRO GĨAKU, ŨCOKE ŨCOKIE CIŨRIA ICI:

• Musa nĩ kĩonereria kĩega gĩa kwĩgerekania nakĩo nĩkĩ?

• Ciongo cia famĩlĩ irĩ na wĩra ũrĩkũ?

• Nĩ maũndũ ta marĩkũ mũngĩarĩrĩria hĩndĩ ya Ũthathaiya wa Famĩlĩ?

• Kĩĩrĩgĩrĩro kĩngĩgũteithia atĩa nĩguo ũhote kũhiũrania na magerio ũrĩ na ũmĩrĩru?

• Nĩ ũndũ ũrĩkũ wĩriragĩria mũno gũkona?