Rĩrĩa Jesu aarĩ gũkũ thĩ, nĩ aatĩtĩrithirie rĩathani rĩrĩa riugĩte: “Tĩaga thoguo na nyũkwa.” (Tham 20:12; Mat 15:4) Jesu nĩ angĩahotire kuuga ũguo ategwĩtigĩra tondũ ‘aathiire na mbere gwathĩkĩra’ aciari ake rĩrĩa aarĩ mũndũ mwĩthĩ. (Lu 2:51) O na arĩ mũndũ mũgima nĩ aatigĩrĩire atĩ nyina nĩ angĩarũmbũirio thutha wake gũkua.—Joh 19:26, 27.

O na matukũ-inĩ maitũ, Akristiano ethĩ arĩa maathĩkagĩra na makarĩria aciari ao na gĩtĩo monanagia atĩ nĩ mamatĩĩte. Ũrĩa kũrĩ nĩ atĩ, rĩathani rĩgiĩ gũtĩa aciari aitũ gũtirĩ hĩndĩ rĩkinyaga mũthia. O na thutha wa aciari aitũ gũkũra, twagĩrĩirũo gũthiĩ na mbere kũmatĩa nĩguo tũgunĩke kuumana na ũũgĩ wao. (Thi 23:22) Ningĩ nĩ tũtĩaga aciari aitũ akũrũ na njĩra ya kũrũmbũiya mabataro mao ma ngoro na ma kĩĩmbeca kũngĩbatarania. (1Ti 5:8) Gũtekũmakania kana tũrĩ ethĩ kana akũrũ, kwaranagĩria na njĩra njega na aciari aitũ nĩ ũndũ wa bata mũno wa kuonania atĩ nĩ tũmatĩĩte.

WĨRORERE VIDEO YA MBICA CIA GŨCORŨO ĨTAGWO INGĨHOTA ATĨA KWARANĨRIA NA ACIARI AKWA? ŨCOKE ŨCOKIE CIŨRIA ICI:

• Nĩ kĩĩ kĩngĩtũma ũkorũo ũrĩ ũndũ mũritũ kwaranĩria na aciari aku?

• Ũngĩhe aciari aku gĩtĩo atĩa hĩndĩ ĩrĩa ũraria nao?

• Nĩkĩ harĩ bata kwĩrutanĩria kwaranĩria na aciari aku? (Thi 15:22)