Hihi ũkoretwo ũgĩeterera Ũthamaki wa Ngai kwa ihinda rĩigana atĩa? Hihi nĩ ũkoretwo ũkĩweterera ũrĩ na ũkirĩrĩria o na kũrĩ na mathĩna? (Ro 8:25) Akristiano amwe mahiũranagia na maũndũ ta kũmenwo nĩ andũ, gwĩkwo maũndũ moru, gũikio njera, kana kũheo mĩkaana ya kũũragwo. Angĩ nao mahiũranagia na mathĩna ta mĩrimũ ya ihinda iraya na ũkũrũ.

Nĩ kĩĩ kĩngĩtũteithia gweterera rĩrĩa twacemania na mathĩna ma mĩthemba o yothe? No mũhaka twake wĩtĩkio witũ na njĩra ya gũthoma Bibilia o mũthenya na gwĩcũrania. No mũhaka tũige meciria maitũ harĩ kĩĩrĩgĩrĩro gitũ. (2Ko 4:16-18; Ahi 12:2) Ningĩ no mũhaka tũhoyage Jehova na tũkamũthaitha atũhe hinya wa roho wake mũtheru. (Lu 11:10, 13; Ahi 5:7) Ithe witũ wa igũrũ ũtwendete no atũteithie ‘gũkirĩrĩria biũ tũrĩ na wetereri na gĩkeno.’—Kol 1:11.

WĨRORE VIDEO YA NO MŨHAKA “TŨTENG’ERE TŨRĨ NA ŨKIRĨRĨRIA”—KORŨO NA MA ATĨ NĨ ŨKAHEO KĨHEO, ŨCOKE ŨCOKIE CIŨRIA ICI:

• Nĩ ‘maũndũ marĩkũ materĩgĩrĩirũo’ mangĩtũkora ũtũũro-inĩ? (Koh 9:11)

• Mahoya matũteithagia atĩa rĩrĩa twacemania na mathĩna?

• Angĩkorũo tũtingĩhota kũhingia maũndũ ũtungata-inĩ wa Jehova ta ũrĩa twekaga tene-rĩ, twagĩrĩirũo kũiga meciria harĩ ũrĩa tũngĩhota gwĩka nĩkĩ?

• Nĩ kĩĩ gĩgũteithagia kũgĩa na ũũma atĩ nĩ ũkaaheo kĩheo?