WĨRUTANĨRIE BIŨ ŨTUNGATA-INĨ
Kũnyita Andũ Ũgeni Kĩgomano
O mwaka, nĩ twĩrĩgagĩrĩra irio cia kĩĩroho iria tũkenagĩra hĩndĩ ya kĩgomano gĩa thikũ ithatũ. Nĩ tũkanyita ũgeni andũ aingĩ o ũrĩa kwahoteka moke manyitanĩre na ithuĩ, nĩguo o nao macame wega wa Jehova. (Thab 34:8) Kĩama gĩa athuri nĩkĩo gĩgaatua njĩra iria njega makĩria cia kũheana tũratathi twa kũnyita andũ ũgeni.
MAŨNDŨ MA KŨRIRIKANA
-
Kĩgomano gĩa gwitũ nĩ kĩa rĩ?
-
Gwitũ tũkaambĩrĩria kũnyita andũ ũgeni rĩ?
-
Mĩcemanio ya ũtungata ĩkagwo thaa cigana gwitũ?
-
Ndĩrenda gũkahingia mĩoroto ĩrĩkũ hĩndĩ ya kũnyita andũ ũgeni?
-
Nĩa bangĩte gũkanyita ũgeni?
ŨKOIGA ATĨA?
Thutha wa kũgeithia mwene nyũmba, no ũmwĩre:
“Aira a Jehova thĩinĩ wa thĩ yothe nĩ maranyita andũ ũgeni gĩthomo-inĩ kĩa bata mũno. Karatathi gaka nĩ konanĩtie mũthenya, thaa, na harĩa gĩthomo kĩu gĩgaakorũo. No tũkene mũno kũnyitanĩra nawe.”
TŨNGĨKA ATĨA NĨGUO MAGUCĨRĨRIO?
O na gũtuĩka tũkenda kũnyita ũgeni andũ aingĩ o ũrĩa kwahoteka, nĩ twagĩrĩirũo gũkũũrana arĩa magucĩrĩrio nĩ ũhoro nĩguo tũmacokere.
Mũthia-inĩ wa ciumia, tũratathi tũu no tũheanwo hamwe na ngathĩti mũngĩona kwagĩrĩire.