Kwambĩrĩria Janũarĩ 2016, mwena wa thutha wa riuma rĩa andũ othe rĩa Mũrangĩri nĩ ũkoretwo na gĩcunjĩ kĩrĩ na kĩongo “Bibilia Yugaga Atĩa?” Gĩcunjĩ gĩkĩ kĩerũ kĩhaarĩrĩirio nĩguo gĩtũteithie kwambĩrĩria ndeereti tũkĩhũthĩra ciongo cia Bibilia. Kĩbangĩtwo o ta trakti. Kĩrĩ na kĩũria kĩa mawoni kĩrũmĩrĩirũo nĩ macokio ma Bibilia, hamwe na maũndũ mangĩ mongereirũo ma kwarĩrĩria.

Ndeereti njega ũkĩhũthĩra ciongo cia Bibilia kaingĩ no ĩgũteithie kũgĩa na mũrutwo wa Bibilia. Hũthĩra gĩcunjĩ gĩkĩ gũteithia andũ aingĩ arĩa manyoteire maũndũ ma kĩĩroho.—Mat 5:6.

1. Ũria mwene nyũmba mawoni make harĩ kĩũria kĩmwe kĩa iria irĩ hau

2. Mũthikĩrĩrie na ũmũcokerie ngatho

3. Thoma rĩandĩko rungu rwa kĩongo “Ũrĩa Bibilia Yugaga,” na ũmũũrie mawoni make igũrũ rĩgiĩ rĩandĩko rĩu. Angĩkorũo na mahinda-rĩ, twarithia ndeereti na mbere, ũkĩhũthĩra maũndũ marĩa marĩ rungu rwa kĩongo “Nĩ Atĩa Ũngĩ Tũngĩĩruta Kuuma Bibilia-inĩ?”

4. Mũhe ngathĩti

5. Banga gũkamũcokera nĩguo mwarĩrĩrie kĩũria gĩa kerĩ