Nĩa acio tũrerũo tũnyitage ũgeni tũcanjamũkĩte? Nĩ mũndũ o wothe ũkĩte mĩcemanio itũ ya Gĩkristiano, akorũo arĩ mũgeni kana arĩ mũrũ kana mwarĩ wa Ithe witũ. (Ro 15:7; Ahi 13:2) No akorũo nĩ mũrũ kana mwarĩ wa Ithe witũ ũceerete kuuma bũrũri ũngĩ kana Mũkristiano ũtigĩte kũnyitanĩra na kĩũngano woka mĩcemanio-inĩ thutha wa mĩaka mĩingĩ. Ta geria kwĩĩkĩra iratũ-inĩ ciake. Githĩ to ũkene mũno ũngĩgeithio na ũcanjamũku? (Mat 7:12) Nĩ ũndũ ũcio, nĩ wagĩrĩirũo kwĩrutanĩria kũgeithia arĩa angĩ Nyũmba-inĩ ya Ũthamaki mbere na thutha wa mĩcemanio. Gwĩka ũguo nĩ gũgũtũma kĩũngano gĩkorũo na ũrugarĩ na wendo, na njĩra ĩyo kĩgoocithie Jehova. (Mat 5:16) Kwahoteka no ũremwo kwaria na andũ othe arĩa marĩ kuo. O na kũrĩ ũguo, ithuothe tũngĩnyita itemi ritũ, andũ othe nĩ marĩiguaga marĩ mũciĩ. *

Twagĩrĩirũo kũnyitaga andũ ũgeni hĩndĩ ciothe, to rĩrĩa tu kwĩna ũndũ wa mwanya ta Kĩririkano. Andũ arĩa ageni mangĩona na mahutio nĩ wendo wa Gĩkristiano, mahota kũgucĩrĩrio magooce Ngai na moke tũnyitanĩre hamwe nao ũthathaiya-inĩ wa ma.—Joh 13:35.