ŨNDŨ ŨCIO NĨ WA BATA NĨKĨ?: Jehova, Mũrutani Ũrĩa Mũnene, atũheaga gĩthomo kĩrĩa kĩega biũ. Atũrutaga ũrĩa tũngĩagagĩria ũtũũro witũ na agatũhaarĩria nĩ ũndũ wa ũtũũro mwega wa ihinda rĩũkĩte, hatarĩ marĩhi. (Isa 11:6-9; 30:20, 21; Kũg 22:17) Ningĩ kũgerera gĩthomo kĩu, Jehova nĩ atũteithagia nĩguo tũhote kũhunjĩria andũ arĩa angĩ ndũmĩrĩri ya kũhonokia mĩoyo yao.—2Ko 3:5.

ŨRĨA ŨNGĨKA ŨGUO:

• Koragwo na wĩnyihia na ũhooreri.—Thb 25:8, 9

• Ĩtĩkĩra kũmenyerio kũgerera njĩra iria Jehova arahũthĩra gũtũmenyeria, ta tũcunjĩ twa arutwo thĩinĩ wa Mũcemanio wa Ũtũũro na Ũtungata

• Wĩigĩre mĩoroto ya kĩĩroho.—Afi 3:13

• Korũo wĩhaarĩirie kwĩima nĩguo ũmenyerio makĩria.—Afi 3:8

WĨRORERE VIDEO YA GŨTONGIO KĨĨROHO NĨ ŨRUTANI WA JEHOVA, ŨCOKE ŨCOKIE CIŨRIA ICI:

• Nĩ mĩhĩnga ĩrĩkũ ahunjia amwe maatooririe nĩguo mahote gũthiĩ Cukuru ya Ahunjia a Ũthamaki?

• Nĩ maũndũ marĩkũ ahunjia mamenyeragio nĩ Cukuru ya Ahunjia a Ũthamaki?

• Ahunjia thĩinĩ wa ciũngano mateithĩtie atĩa arĩa mathiĩte cukuru ĩyo na magatũmwo ciũngano-inĩ?

• Nĩ maũndũ marĩkũ mũndũ agĩrĩirũo kũhingia nĩguo athiĩ Cukuru ya Ahunjia a Ũthamaki? (kr 189)

• Nĩ mĩeke ĩrĩkũ ĩngĩ ũngĩĩrutanĩria gũkinyĩra ya kũrutwo thĩinĩ wa ithondeka rĩa Jehova?