Angĩkorũo ũrĩ Mũkristiano mwĩthĩ kana nĩ ũreruta Bibilia-rĩ, hihi nĩ ũrĩ na muoroto wa kũbatithio? Wagĩrĩirũo gũkorũo na muoroto wa kũbatithio nĩkĩ? Kwĩyamũrĩra Jehova na kũbatithio gũtũmaga mũndũ agĩe na ũrata wa mwanya hamwe nake. (Thb 91:1) Ningĩ gwĩka ũguo no gũtũme mũndũ akaahonoka. (1Pe 3:21) Ũngĩka atĩa nĩgetha ũkinyĩre muoroto ũcio?

Tuĩria wĩmenyere wee mwene atĩ ũyũ nĩguo ũhoro wa ma. Rĩrĩa wagĩa na ciũria, wĩĩkĩre ũthuthuria. (Ro 12:2) Rora wone nĩ mogarũrũku marĩkũ ũrabatara gwĩka, na wĩke mogarũrũku macio ũrĩ na muoroto wa gũkenia Jehova. (Thi 27:11; Ef 4:23, 24) Hingo ciothe mũhoyage agũteithie. Korũo na ma atĩ Jehova nĩ egũkũhe hinya, na agũteithie kũgerera roho wake mũtheru. (1Pe 5:10, 11) Wona werutanĩria, nĩ ũkũgĩa na moimĩrĩro mega. Gũtungatĩra Jehova nĩguo ũndũ ũrĩa mwega makĩria ũngĩka ũtũũro-inĩ!​—Thb 16:11.

WĨRORERE VIDEO YA GŨKINYĨRĨRA ITUA RĨA KŨBATITHIO ŨCOKE ŨCOKIE CIŨRIA ICI:

• Nĩ mĩhĩnga ĩrĩkũ amwe maahiũranirie nayo nĩguo mahote kũbatithio?

• Ũngĩka atĩa nĩguo ũkũrie wĩtĩkio ũrĩa ũbataranagia nĩguo wĩyamũrĩre Jehova?

• Nĩ maũndũ marĩkũ meekĩrire amwe ngoro nĩguo moe makinya marĩa marabatarania magĩrĩre kũbatithio?

• Nĩ irathimo irĩkũ arĩa mathuuraga gũtungatĩra Jehova magĩaga nacio?

• Kwĩyamũrĩra Jehova na kũbatithio nĩ kuuga atĩa?