Tũtũũraga thĩinĩ wa thĩ yonanagia atĩ maũndũ marĩa mega nĩ moru, namo marĩa moru nĩ mega. (Isa 5:20) Ũndũ wa kĩeha nĩ atĩ, andũ amwe nĩ mekaga maũndũ marĩa Jehova athũire, ta gũkorũo na mĩtugo mĩũru gatagatĩ-inĩ ka andũ a mũthemba ũmwe. Ciana citũ no iheenererio nĩ andũ arĩa mathomaga nacio kana andũ angĩ irũmĩrĩre mĩtugo yao mĩũru. Ũngĩhaarĩria ciana ciaku atĩa nĩguo ihote kũhiũrania na magerio ta macio?

Ruta ciana ciaku nĩguo imenye ithimi cia mĩtugo iria Jehova aigĩte. (Ala 18:3) Cirute o kahora kũringana na mĩaka yacio ũrĩa Bibilia yugaga igũrũ rĩgiĩ ngomanio. (Gũc 6:7) Wĩyũrie ũũ: ‘Hihi nĩ ndutĩte ciana ciakwa igũrũ rĩgiĩ njĩra iria ciagĩrĩire cia kuonania wendo, bata wa gwĩkĩra nguo irĩ na ũigananĩru, na bata wa kũreka andũ arĩa angĩ matĩĩe maũndũ ma cio ma thĩinĩ? Hihi ciana ciakwa nĩ ciũĩ ũrĩa cingĩka mũndũ angĩgeria gũcionia ponografĩ kana agerie gũciĩra ciĩke ũndũ Jehova akaananĩtie?’ Ũngĩciruta maũndũ macio kabere, no ciĩtheme kũingĩra thĩna-inĩ. (Thi 27:12; Koh 7:12) Waruta ciana ciaku, nĩ wonanagia nĩ wendete igai rĩa bata rĩrĩa ũheetwo nĩ Jehova.​—Thb 127:3.

WĨRORERE VIDEO YA AKA NYŨMBA ĨKŨHOTA GWĨTIRIA​—GITAGĨRA CIANA CIAKU KUUMANA NA ‘MAŨNDŨ MARĨA MORU,’ ŨCOKE ŨCOKIE CIŨRIA ICI:

• Nĩ kĩĩ gĩtũmaga andũ amwe metigĩre kũruta ciana ciao maũndũ megiĩ ngomanio?

• Nĩkĩ no mũhaka aciari mamenyerie ciana ciao ‘magĩcirũngaga na magĩcitaaraga na njĩra ya Jehova’?​—Ef 6:4

• Nĩ indo irĩkũ ithondeka rĩa Jehova rĩrutĩte cia gũteithia aciari marute ciana ciao maũndũ megiĩ ngomanio?​—w19.05 12, gathandũkũ

• Wagĩrĩirũo kwaranagĩria na ciana ciaku kaingĩ nĩkĩ mbere ya mathĩna maumĩrĩte?