Wagĩrĩirũo kwĩhaarĩria nĩkĩ? Maũndũ ma hi na hi megiĩ ũrigitani na gũkoma thibitarĩ no maumĩre mũndũ aterĩgĩrĩire. Nĩ ũndũ ũcio, gũtanaumĩra ũndũ wa hi na hi, wĩhaarĩrie wega, nĩguo ũkaamũkĩra ũrigitani ũrĩa mwega biũ. Weka ũguo, nĩ ũkuonania atĩ nĩ ũtĩĩte muoyo na watho wa Jehova wĩgiĩ thakame.—Atũ 15:28, 29.

Ũngĩka atĩa nĩguo wĩhaarĩrie?

• Hoya, ũcoke ũihũrie wega kandi ya DPA. a Ahunjia arĩa abatithie no meere ũrĩa ũrũmbũyagia mabuku amahe kandi yao ya DPA na Kadi ya Utambulisho (ic) nĩ ũndũ wa ciana ciao nini

• Angĩkorũo wĩ mũritũ, no wĩre athuri makũhe fomu ya Habari kwa Ajili ya Mama Wajawazito (S-401). Fomu ĩyo no ĩgũteithie gũtua matua mega megiĩ maũndũ ma ũrigitani marĩa mangiumĩra hĩndĩ ĩyo wĩ mũritũ na hĩndĩ ya kũgĩa mwana

• Angĩkorũo nĩ ũkũbatara ũrigitani ũhutĩtie thakame kana nĩ ũgũkoma thibitarĩ, nĩ wega kũmenyithia athuri kabere na ũmenyithie thibitarĩ atĩ nĩ ũgũceererũo nĩ mũthuri wa kĩũngano

Athuri mangĩgũteithia atĩa? No magũteithie kũihũria kandi yaku ya DPA. O na kũrĩ ũguo, athuri matigũgũtuĩra matua megiĩ ũrigitani kana makwĩre mawoni mao megiĩ maũndũ marĩa wagĩrĩirũo gwĩtuĩra. (Ro 14:12; Ga 6:5) Ũngĩmenyithia athuri a kĩũngano kĩanyu atĩ nĩ ũrabatara ũrigitani ũhutanĩtie na thakame, nĩ mekũmenyithia Kamĩtĩ ya Ũiguano na Thibitarĩ (HLC) o na ihenya handũ-inĩ haku.

Kamĩtĩ ya Ũiguano na Thibitarĩ ĩngĩgũteithia atĩa? Ariũ a Ithe witũ arĩa matungataga Kamĩtĩ-inĩ ya Ũiguano na Thibitarĩ nĩ mamenyeretio kwaranĩria na arĩa marutaga mawĩra ma ũrigitani na ma watho, nĩguo mamateithie gũtaũkĩrũo nĩ mũrũgamo witũ wĩgiĩ thakame. No maranĩrie na ndagĩtarĩ waku, mamũtaarĩrie njĩra cia ũrigitani iria atekũbatara gũgwĩkĩra thakame. Kũngĩbatarania, nĩ megũgũteithia gwetha ndagĩtarĩ ũgũtĩa matua maku megiĩ thakame.

WĨRORERE VIDEO YA ŨRĨA TŨNGĨTUA MATUA MEGIĨ ŨRIGITANI ŨRAHUTIA KŨHŨTHĨRA THAKAME, ŨCOKE ŨCOKIE KĨŨRIA GĨKĨ:

• Nĩ ũndũ ũrĩkũ weruta thĩinĩ wa video ĩyo ũngĩgũteithia kwĩhaarĩria kũngiumĩra ũndũ wa hi na hi ũhutanĩtie na thakame?

  textarea-1