Matukũ-inĩ maya ma kũrigĩrĩria, nĩ tũcemanagia na magerio maingĩ maritũ. Rĩmwe no tũigue ta magerio maitũ marĩ maritũ mũno ũũ atĩ tũtingĩhota kũmakirĩrĩria. No tũngĩthiĩ na mbere gũkuhĩrĩria Jehova, no atũteithie gũkirĩrĩria nginya magerio marĩa mangĩtũma tũigue tũtangĩkĩte mũno. (Isa 43:2, 4) Tũngĩkuhĩrĩria Jehova atĩa rĩrĩa tũracemania na magerio?

Mahoya. Rĩrĩa twaitũrũrĩra Jehova ngoro citũ, nĩ atũheaga thayũ wa meciria na hinya wa gũkirĩrĩria.—Afi 4:6, 7; 1The 5:17.

Mĩcemanio. Gũkĩra hĩndĩ ĩngĩ o yothe, nĩ tũrabatara irio cia kĩĩroho iria Jehova atũheaga mĩcemanio-inĩ, na ngwatanĩro ya aarĩ na ariũ a Ithe witũ. (Ahi 10:24, 25) Rĩrĩa twahaarĩria, twathiĩ, na twanyitanĩra mĩcemanio-inĩ ya kĩũngano, nĩ tũgunĩkaga biũ kuumana na ũteithio wa roho wa Jehova.—Kũg 2:29.

Ũtungata. Nĩ ũndũ mũhũthũ kũiga meciria maitũ harĩ maũndũ marĩa magĩrĩire, tũngĩĩrutanĩria biũ kũnyitanĩra ũtungata-inĩ. Ningĩ nĩ tũrĩkĩraga hinya ũrata witũ na Jehova o hamwe na aarĩ na ariũ a Ithe witũ.—1Ko 3:5-10.

WĨRORERE VIDEO YA JEHOVA NĨ EGŨKWAMŨKĨRA, ŨCOKE ŨCOKIE CIŨRIA ICI:

• Nĩ kĩĩ gĩateithirie Malu gũkuhĩrĩria Jehova rĩrĩa aahiũranagia na magerio?

  textarea-1

• Ciugo iria irĩ thĩinĩ wa Thaburi 34:18 ingĩtũũmĩrĩria atĩa hĩndĩ ĩrĩa tũragerera magerio, o ta ũrĩa ciomĩrĩirie Malu?

  textarea-2

• Ngerekano ĩyo ya Malu ĩronania atĩa atĩ Jehova nĩ atũheaga “hinya ũrĩa ũkĩrĩte wa ndũire” rĩrĩa tũrahiũrania na magerio?—2Ko 4:7

  textarea-3