Gwaka hekarũ ya Isiraeli nĩ kwabataraga wĩra na indo nyingĩ. O na kũrĩ ũguo, Aisiraeli nĩ maanyitire mbaru wĩra ũcio marĩ na kĩyo. (1Maũ 29:2-9; 2Maũ 6:7, 8) Thutha wa hekarũ kũrĩka gwakwo, Aisiraeli nĩ mangĩonanirie ũrĩa wendo wao harĩ Jehova watariĩ harĩ kũmĩthondeka. (2Ath 22:3-6; 2Maũ 28:24; 29:3) Ũmũthĩ, Akristiano nĩ mahũthagĩra mahinda na hinya mũingĩ harĩ gwaka, gũtheria, na gũthondeka Nyũmba cia Ũthamaki na Nyũmba cia Igomano. O na kũrĩ ũguo, kũrutithania wĩra hamwe na Jehova na njĩra ĩyo nĩ mweke mũnene mũno, na nĩ gĩcunjĩ gĩa ũtungata mũtheru.—Thab 127:1; Kũg 7:15.

• Gũtheria hĩndĩ ciothe thutha wa mĩcemanio. Ũngĩremererũo no ũtigĩrĩre harĩa ũgũikarĩte nĩ hatheru.

• Kũnyitaga itemi harĩ gũthambia na gũthondeka Nyũmba ya Ũthamaki. Moko maingĩ matũmaga wĩra ũrutĩke na gĩkeno na ũhũthe.—lv 92-93 kĩb. 18.

• Gũteithĩrĩria na mĩhothi. O na mũhothi wa “tũthendi twĩrĩ twa thogora mũnini mũno” ũrutĩtwo kuuma ngoro nĩ ũkenagia Jehova.—Mar 12:41-44.

• Kwĩrutĩra harĩ gũteithia gwaka na gũthondeka mĩako ya gĩtheokrasi maũndũ maku mangĩgwĩtĩkĩria. To nginya ũkorũo ũrĩ na ũmenyeru wa mĩako nĩguo ũnyite itemi.