Bibilia nĩ yarathĩte atĩ Shaitani nĩ angĩgatũnyarira akĩgeria kũgiria wĩra wa kũhunjia ũthiĩ na mbere. (Joh 15:20; Kũg 12:17) Tũngĩteithia atĩa aarĩ na ariũ a Ithe witũ arĩa maranyarirũo mabũrũri-inĩ mangĩ? No tũmahoere. “Mathaithana ma mũndũ mũthingu nĩ marĩ ũhoti mũnene.”—Jak 5:16.

Tũngĩhoya igũrũ rĩgiĩ maũndũ marĩkũ? No tũhoe Jehova ateithie aarĩ na ariũ a Ithe witũ maage guoya na magĩe na ũmĩrĩru. (Isa 41:10-13) Ningĩ no tũhoe nĩ ũndũ wa thirikari iria ĩrĩ kuo ciĩtĩkĩrie wĩra wa kũhunjia, “nĩguo tũthiĩ na mbere gũkorũo na ũtũũro mũhooreru na ũrĩ na thayũ.”—1Ti 2:1, 2.

Akristiano a karine ya mbere nĩ maahoire nĩ ũndũ wa Paulo na Petero rĩrĩa manyariragwo. (Atũ 12:5; Ro 15:30, 31) O na angĩkorũo ũmũthĩ tũtiũĩ marĩĩtwa ma arĩa othe maranyarirũo, na githĩ tũkĩhoya to tũgwete kĩũngano kĩao, bũrũri wao, kana kũrĩa maikaraga?