WĨRUTANĨRIE BIŨ ŨTUNGATA-INĨ | ONGERERA GĨKENO GĨAKU ŨTUNGATA-INĨ
Kinyĩra Ngoro
Gwathĩkĩra Ngai nĩ ũndũ uumaga ngoro-inĩ. (Thi 3:1) Kwoguo rĩrĩa tũrarutana, nĩ twagĩrĩirũo kwĩrutanĩria gũkinyĩra ngoro cia athikĩrĩria aitũ. Tũngĩka ũguo atĩa?
Ndũkarute mũrutwo o ma cia Bibilia tu, no mũteithie kuona ũrĩa cihutanĩtie na ũtũũro wake na ũrata wake hamwe na Jehova. Mũteithie kuona ũrĩa ithimi cia Bibilia cionanagia wendo wa Ngai, wega wake, na ũthingu wake. Hũthĩra ciũria na ũũgĩ kũmenya kĩrĩa kĩrĩ ngoro-inĩ yake, na ũrĩa araigua ũhoro-inĩ wĩgiĩ maũndũ marĩa areruta. Mũteithie kuona ũrĩa angĩgunĩka ũtũũro-inĩ wake nĩ ũndũ wa kũgarũrĩra mawoni moru, kana gũtigana na mũtugo mũũru. Rĩrĩa wona atĩ mũrutwo waku nĩ endete Jehova kuuma ngoro, gĩkeno gĩaku nĩ kĩrĩongererekaga.
WĨRORERE VIDEO YA GĨAGA NA GĨKENO GĨA GŨTUA ANDŨ ARUTWO—AGAGĨRIA ŨHOTI WA KŨRUTANA—GŨKINYĨRA NGORO, ŨCOKE ŨCOKIE CIŨRIA ICI:
-
Nĩ kĩĩ gĩatũmire Anita orie Jane: “Hihi nĩ ũreciririe kaũndũ karĩa twaririe Njumatatũ?”
-
Anita aateithirie Jane atĩa kuona ũrĩa ithimi cia Bibilia cionanagia wendo wa Jehova kũmwerekera?
-
Tũngĩkinyĩra ngoro ya mũrutwo witũ, no agĩe na wendi mũnene wa gũthiĩ na mbere gũkuhĩrĩria Jehova
Anita aateithirie Jane atĩa kuona ũrĩa angĩonia Ngai atĩ nĩ amwendete?
