Maandĩko matwĩraga tuonage Akristiano arĩa akũrũ mahaana aciari aitũ, nao arĩa ethĩ mahaana arĩa tũciaranĩirũo nao. (Thoma 1 Timotheo 5:1, 2.) Ariũ a Ithe witũ nĩ magĩrĩirũo gwĩkagĩra aarĩ wa Ithe witũ maũndũ na njĩra ya gĩtĩo.

Mũrũ wa Ithe witũ ndagĩrĩirũo gũthaakĩra mwarĩ wa Ithe witũ kĩĩwendo, kana gwĩka ũndũ ũngĩtũma aigue ataiganĩire arĩ harĩ we. (Ayu 31:1) Mũrũ wa Ithe witũ ũtahikanĩtie ndagĩrĩirũo gũthaakĩra kĩĩwendo mwarĩ wa Ithe witũ ũtaingĩrĩte kĩhiko-inĩ na njĩra ya kũmuonia ta arenda magĩe ndũgũ na tiguo arenda.

Athuri a kĩũngano nĩ magĩrĩirũo kũrũmbũiya aarĩ a Ithe witũ na njĩra ya gĩtĩo mangĩmoria kĩũria, kana mamagwetere ũndũ ũrabatara kũrorũo. Nĩ magĩrĩirũo kũrũmbũiya makĩria aarĩ a Ithe witũ arĩa matarĩ na athuri a kũmagitĩra.—Ru 2:8, 9.

WĨRORERE VIDEO YA ONANIA WENDO ŨTANGĨTHIRA HARĨ ARĨA MATUNGATAGĨRA JEHOVA —ATUMIA A NDIGWA NA ARĨA MATARĨ MAITHE, ŨCOKE ŨCOKIE CIŨRIA ICI:

• Kĩũngano kĩoonanirie wendo mũnene atĩa harĩ mwarĩ wa Ithe witũ Myint?

• Wendo ũrĩa woonanirio nĩ kĩũngano waheanire ũira atĩa harĩ andũ a gĩcagi kĩao?

• Wendo ũrĩa woonanirio nĩ kĩũngano wahutirie airĩtu a mwarĩ wa Ithe witũ Myint na njĩra ĩrĩkũ?

Nĩ njĩra irĩkũ imwe cingĩonania atĩ nĩ ũrũmbũyagia aarĩ a Ithe witũ a kĩũngano kĩanyu na njĩra ya wendo?