Ũcayanĩri nĩ ũhoti wa gũtaũkĩrũo nĩ mwĩcirĩrie wa andũ arĩa angĩ, ũrĩa maraigua, maũndũ marĩa mendete, na mabataro mao. Andũ no mahote kũmenya kana twĩ na ũcayanĩri, na tũngĩkorũo twendete kũmateithia kuuma ngoro, nĩ tũkũhota kũwonania. Rĩrĩa tuonania ũcayanĩri ũtungata-inĩ, tũkoragwo tũkĩĩgerekania na wendo wa Jehova na ũrĩa arũmbũyagia andũ, na ũndũ ũcio ũgatũma mende kũmũkuhĩrĩria.—Afi 2:4.

Kuonania ũcayanĩri to ũndũ tu twĩkaga nĩgetha tũrutane; tũwonanagia kũgerera ũrĩa tũrathikĩrĩria andũ na tũkamarĩria, o hamwe na ciĩko citũ cia mwĩrĩ. Tuonagia mũndũ atĩ nĩ tũramũcaĩra na njĩra ya kũmũrũmbũiya we mwene. Tũgeciria ũhoro wa maũndũ marĩa endete, wĩtĩkio wake, na ũrĩa maũndũ make mahaana. Ningĩ no tũmũhe ũhoro ũngĩmũteithia na tũmũhe ũteithio ũrĩa arabatara, no tũtiagĩrĩirũo kũmũtindĩkĩrĩria acenjie. Rĩrĩa andũ metĩkĩra ũteithio ũrĩa tũramahe, ũndũ ũcio nĩ wongagĩrĩra gĩkeno gitũ ũtungata-inĩ.

WĨRORERE VIDEO YA GĨAGA NA GĨKENO GĨA GŨTUA ANDŨ ARUTWO—AGAGĨRIA ŨHOTI WA KŨRUTANA—KUONANIA ŨCAYANĨRI, ŨCOKE ŨCOKIE CIŨRIA ICI:

• Anita oonanirie ũcayanĩri atĩa rĩrĩa Jane ookire acereirũo?

• Anita oonanirie ũcayanĩri atĩa rĩrĩa Jane aamwĩrire atĩ aarĩ na mĩtangĩko mĩingĩ na kwoguo ndangĩahotire gũthoma?

• Anita oonanirie ũcayanĩri atĩa rĩrĩa Jane aamwĩrire atĩ we ndakoragwo na mĩbango mũno?