Mweri-inĩ wa Septemba, nĩ tũkerutanĩria kwambĩrĩria wĩruti wa Bibilia na andũ aingĩ o ũrĩa kwahoteka tũkĩhũthĩra broshua ya Kenera Ũtũũro Tene na Tene! Ahunjia no mathuure gũtuĩka mapainia a gũteithĩrĩria mahingie mathaa 30. Tũgeeka kambĩini ĩyo ya mwanya na njĩra ĩrĩkũ?

• Ũkĩhunjĩria Mũndũ rĩa Mbere: Hũthĩra mwena wa thutha wa broshua ĩyo kwarahũra wendi, na ũgerie kuonania ũrĩa wĩruti wa Bibilia wĩkagwo. Ririkana andũ arĩa manonania wendi hau kabere, nginya arĩa wanacokera. O na akorũo matietĩkĩrire kwĩruta Bibilia, rĩu mahota gũkenio nĩ njĩra itũ njerũ ya kwĩruta o hamwe na broshua. Broshua icio itiagĩrĩire gũtigwo mĩciĩ-inĩ ĩrĩa ĩtarĩ na andũ, kana gwĩkĩrũo marũa-inĩ ma gũtũmĩrũo andũ arĩa matarĩ monania wendi. Kamĩtĩ ya Ũtungata ya Kĩũngano no ĩbange gũkorũo na mĩcemanio ĩngĩ makĩria ya ũtungata mweri-inĩ ũcio.

• Mĩeke Ĩngĩ: Angĩkorũo kĩũngano kĩanyu nĩ gĩkoragwo na tũkaari twa mabuku, no mwĩkĩre broshua ya Kenera Ũtũũro Tene na Tene! tũkaari-inĩ tũu. Menyithia arĩa monania wendi atĩ maheo broshua ĩyo, ningĩ no magĩe na mweke wa kwĩruta Bibilia hatarĩ marĩhi. Onania na njĩra nguhĩ ũrĩa wĩruti wa Bibilia wĩkagwo mũrĩ o hau, kana ũbange ũrĩa ũngĩonania thutha-inĩ. Mũrori wa ũtungata no abange ahunjia arĩa marĩ na ũmenyeru mathiĩ biacara-inĩ iria irĩ gĩcigo-inĩ gĩa kĩũngano, mambĩrĩrie wĩruti wa Bibilia na andũ. Ningĩ no wambĩrĩrie wĩruti wa Bibilia na andũ arĩa mũrutaga wĩra nao, kana arĩa ũrahunjĩria ũrĩ mĩhang’o-inĩ yaku ya o mũthenya.

Jesu aatwathire ‘tũtue andũ arutwo, tũkĩmarutaga.’ (Mat 28:19, 20) Kambĩini ĩno ya mwanya ĩrotũteithia kũhingia muoroto ũcio, tũkĩhũthĩra broshua ya Kenera Ũtũũro Tene na Tene!