Video no ihote kũhutia ngoro cia andũ tondũ nĩ igucagĩrĩria maitho na matũ. Ũndũ ũcio ũteithagia kũnyita meciria na ũgatiga mbica ĩtangĩriganĩra. Jehova nĩ aigĩte kĩonereria kĩrĩa kĩega biũ gĩa kũrutana akĩhũthĩra indo iria ingĩonwo na maitho.—Atũ 10:9-16; Kũg 1:1.

Video ya Ngai Hihi nĩ Arĩ Rĩĩtwa?, ya Nũ Watungire Bibilia?, na ya Tũngĩkorũo na Ma Atĩa Bibilia nĩ ya Ma? no ihũthĩrũo mũgĩthoma ithomo rĩa 2 na rĩa 3 broshua-inĩ ya Ũhoro Mwega.. Video ya Wagĩrĩirũo Kwĩruta Bibilia Nĩkĩ?, ya Wĩruti wa Bibilia Wĩkagwo Atĩa?, na ya Nĩ Maũndũ Marĩkũ Mekagwo Nyũmba-inĩ ya Ũthamaki? ciĩkĩraga mũndũ ngoro erute Bibilia na ithuĩ kana athiage mĩcemanio ya kĩũngano. Ningĩ video imwe citũ iria ndaihu no ihũthĩrũo kũruta arutwo a Bibilia.—km 5/13 3.

• Ruta kabere kuuma intaneti-inĩ video ĩrĩa ũngĩenda kuonia mwene nyũmba

• Haarĩria kĩũria kĩmwe kana igĩrĩ iria igũcokio nĩ video ĩyo

• Mwĩrorerei video ĩyo mũrĩ hamwe nake

• Arĩrĩriai maũndũ marĩa ma bata makĩria video-inĩ ĩyo

• Muonie mwena wa thutha wa trakti ĩmwe na ũmuonie kodi ĩrĩa ĩngĩmũtwara harĩ video ya Wagĩrĩirũo Kwĩruta Bibilia Nĩkĩ?

• Muonie video ya Tũngĩkorũo na Ma Atĩa Bibilia nĩ ya Ma? na ũmũhe broshua ya Ũhoro Mwega, ũmuonie ithomo rĩa 3