Jesu nĩ aatũigĩire kĩonereria gĩa kũrũmĩrĩra, na makĩria rĩrĩa tũragerio kana kũnyarirũo. (1Pe 2:21-23) O na gũtuĩka Jesu nĩ aarumagwo, gũtirĩ hingo erĩhĩirie o na rĩrĩa aanyariragwo. (Mar 15:29-32) Nĩ kĩĩ kĩamũteithirie nĩguo akirĩrĩrie? Nĩ aatuĩte na ngoro yake gwĩka wendi wa Jehova. (Joh 6:38) Ningĩ nĩ eciragia ũhoro wa “gĩkeno kĩrĩa kĩaigĩtwo mbere yake.”—Ahi 12:2.

Twĩkaga atĩa twekwo maũndũ matarĩ ma kĩhooto nĩ ũndũ wa wĩtĩkio witũ? Akristiano a ma ‘matiĩkaga mũndũ o na ũrĩkũ ũũru tondũ wa ũũru ũrĩa mekĩtwo.’ (Ro 12:14, 17) Tũngĩgerekania na ũrĩa Kristo aakirĩrĩirie kũnyarirũo, no tũkene tondũ nĩ twĩtĩkĩrĩkĩte nĩ Ngai.—Mat 5:10-12; 1Pe 4:12-14.

WĨRORERE VIDEO YA RĨĨTWA RĨA JEHOVA NĨRĨO RĨA BATA MŨNO, NA ŨCOKE ŨCOKIE CIŨRIA ICI:

• Mwarĩ wa Ithe witũ Pötzinger * aahũthĩrire mahinda make atĩa rĩrĩa aarĩ njera?

• Nĩ maũndũ marĩkũ mũrũ na mwarĩ wa Ithe witũ Pötzinger maakirĩrĩirie rĩrĩa mohetwo njera itiganĩte?

• Nĩ kĩĩ kĩamateithirie gũkirĩrĩria?