ŨNDŨ ŨCIO NĨ WA BATA NĨKĨ?: Wĩruti wa Kiugo kĩa Ngai nĩ ũtũteithagia “gũtaũkĩrũo wega nĩ wariĩ, ũraihu, ũraihu wa na igũrũ na ũriku” wa ũhoro wa ma. (Ef 3:18) Ningĩ nĩ ũtũteithagia gũtũũra tũtarĩ ũcuke na kameni thĩinĩ wa thĩ ĩiyũirũo nĩ waganu na ũgatũteithia gũtũũra ‘tũrũmĩtie biũ kiugo kĩrĩa kĩa muoyo.’ (Afi 2:15, 16) Wĩruti wa mũndũ kĩũmbe nĩ ũtũteithagia gwĩthuurĩra maũndũ marĩa mũndũ angĩenda kwĩruta kũringana na mabataro make. Tũngĩka atĩa nĩguo tũgunĩke biũ nĩ ũthomi na wĩruti wa Bibilia?

ŨRĨA TŨNGĨKA ŨGUO:

• Kururĩra mĩhari na wandĩke maũndũ marĩa weruta Bibilia-inĩ ĩrĩa ũhũthagĩra kwĩruta, kana ĩrĩa ũrutĩte intaneti-inĩ

• Wĩyũrie ciũria ici ũgĩthoma Kiugo kĩa Ngai: ‘Nũũ? Nĩ kĩĩ? Nĩrĩ? Nĩ kũ? Nĩkĩ? Atĩa?’

• Caria ũhoro makĩria. Thuthuria ũhoro kũringana na kĩongo kana mũhari wa Bibilia ũkĩhũthĩra indo cia ũthuthuria iria tũrĩ nacio

• Wĩcũranie ũhoro ũcio wathoma nĩgetha wone ũrĩa ũngĩũhũthĩra

• Hũthĩra maũndũ macio weruta ũtũũro-inĩ waku wa o mũthenya.—Lu 6:47, 48

WĨRORERE VIDEO YA IKARA ‘ŨRŨMĨTIE BIŨ’ KŨGERERA KWĨRUTA NA NJĨRA NJEGA ŨCOKE ŨCOKIE CIŨRIA ICI:

• Andũ amwe mataarĩirie wĩruti wa mũndũ kĩũmbe atĩa?

• Twagĩrĩirũo kwambĩrĩria wĩruti witũ na mahoya nĩkĩ?

• Nĩ kĩĩ kĩngĩtũteithia gũtaũkĩrũo wega makĩria nĩ ũhoro ũrĩa tũrathoma Bibilia-inĩ?

• Nĩ mĩthemba ĩrĩkũ ya marũũri tũngĩkĩra Bibilia-inĩ ĩrĩa tũhũthagĩra kwĩruta?

• Gwĩcũrania nĩ kwa bata mũno nĩkĩ rĩrĩa tũreruta Kiugo kĩa Ngai?

• Twagĩrĩirũo gwĩka atĩa na maũndũ marĩa tweruta?