Tũtanatua matua manini kana manene-rĩ, hihi nĩ twĩyũragia, ‘Mawoni ma Jehova nĩ marĩkũ?’ O na gũtuĩka tũtingĩmenya maũndũ mothe megiĩ meciria ma Jehova, nĩ aguũrĩtie maũndũ marĩa tũrabatara kũmenya Kiugo-inĩ gĩake megiĩ mwĩcirĩrie wake nĩguo atũhaarĩrie biũ nĩ ũndũ wa “wĩra wothe mwega.” (2Ti 3:16, 17; Ro 11:33, 34) Jesu nĩ aataũkĩirũo wega nĩ wendi wa Jehova, na ũndũ ũcio nĩguo warĩ wa bata ũtũũro-inĩ wake. (Joh 4:34) Rekei twĩgerekanagie na Jesu na njĩra ya kwĩrutanĩria gũtua matua marĩa marakenia Jehova.—Joh 8:28, 29; Ef 5:15-17.

WĨRORERE VIDEO YA THIĨI NA MBERE GŨTAŨKĨRŨO NĨ WENDI WA JEHOVA (ALA 19:18), ŨCOKE ŨCOKIE CIŨRIA ICI:

• Twagĩrĩirũo kũhũthĩra motaaro ma Bibilia ũtũũro-inĩ witũ nĩkĩ?

• Nĩ motaaro marĩkũ ma Bibilia mangĩtũteithia tũgĩthuura nyĩmbo?

• Nĩ motaaro marĩkũ ma Bibilia mangĩtũteithia rĩrĩa tũratua matua megiĩ kwĩhumba na kwĩgemia?

• Nĩ maũndũ-inĩ marĩkũ mangĩ tũngĩhũthĩra motaaro ma Bibilia ũtũũro-inĩ witũ?

• Tũngĩagagĩria atĩa ũhoti witũ wa gũtaũkĩrũo nĩ wendi wa Jehova?