O ũrĩa tũrakuhĩrĩria mũthia wa mũtabarĩre ũyũ, no twĩrĩgĩrĩre atĩ ngũĩ, wĩki-naĩ, na mbaara cigũthiĩ ciongererekete. (Kũg 6:4) Tũngĩĩhaarĩria atĩa nĩ ũndũ wa maũndũ ta macio mangiumĩra ihinda rĩũkĩte?

• Wĩhaarĩrie kĩĩroho: Etha motaaro na ng’ano cia Bibilia iria ingĩgũteithia kwĩhoka Jehova biũ na ithondeka rĩake, na ingĩgũteithia kwaga kũnyita mbaru mwena o na ũmwe. (Thi 12:5; jr-SW 125-126 kĩb. 23-24) Rĩrĩ nĩrĩo ihinda rĩa gũthondeka ũrata mũrũmu thĩinĩ wa kĩũngano.​—1Pe 4:7, 8

• Wĩhaarĩrie kĩĩmwĩrĩ: Banga ũrĩa ũngĩikara wĩgitĩire kũngĩtuĩka atĩ ndũriumaga mũciĩ, na ũkorũo na indo njiganu cia kũhũthĩra. Ningĩ banga ũrĩa ũngĩka ũngĩbatara kuuma mũciĩ. Rora indo iria irĩ mũhuko-inĩ waku wa gwĩthara, na wĩkĩre indo cia kũgitĩra ũgima waku wa mwĩrĩ na mbeca. Menya ũrĩa ũngĩaranĩria na athuri a kĩũngano, na ũtigĩrĩre nĩ moĩ ũrĩa mangĩaranĩria nawe.​—Isa 32:2; g17.5-SW 3-7

Rĩrĩa ngũĩ ciaumĩra, thiĩ na mbere gwĩka maũndũ ma kĩĩroho. (Afi 1:10) Wĩtheme kuuma kũrĩa ũrĩ tiga akorirũo no mũhaka wĩke ũguo. (Mat 10:16) Gayana irio na indo ingĩ cia kũhũthĩra hamwe na andũ arĩa angĩ.​—Ro 12:13.

WĨRORERE VIDEO YA HIHI NĨ WĨHAARĨIRIE NĨ ŨNDŨ WA ICANJAMA? ŨCOKE ŨCOKIE CIŨRIA ICI:

• Jehova angĩtũteithia atĩa hĩndĩ ya icanjama?

• Nĩ maũndũ marĩkũ tũngĩka nĩguo tũikare twĩhaarĩirie?

• Tũngĩteithia andũ arĩa angĩ magũmĩirũo nĩ icanjama atĩa?