Jesu nĩ aahũthagĩra maũndũ marĩa marekĩka rĩrĩa ararutana. (Lu 13:1-5) O nawe no ũhũthĩre maũndũ marĩa marekĩka kwarahũra wendi wa andũ, nĩguo mende kũigua ndũmĩrĩri ya Ũthamaki. Thutha wa kũgweta ũhoro wĩgiĩ ũtũũro kũritũha, gĩcanjama kĩa ndũire, ngũĩ, ũhũthĩri wa ndawa cia kũrebia, kana ũndũ ũngĩ ta ũcio, ũria kĩũria kĩngĩarahũra wendi. No ũũrie: “Nĩ ũrona ta kũrĩ hĩndĩ gũtagaakorũo na . . . ?” kana “Ũgwĩciria ta arĩ kĩĩ kĩhonia gĩa . . . ?” Ũcoke ũthome rĩandĩko rĩhutanĩtie na ũndũ ũcio. Mũndũ angĩonania wendi, muonie video kana kĩndũ kĩngĩ kuuma Gathandũkũ Gaitũ ka Indo cia Kũrutana. O tũkĩĩrutanagĩria kũhutia ngoro cia andũ arĩa marĩ gĩcigo-inĩ gitũ, nĩ twĩkagei “maũndũ mothe nĩ ũndũ wa ũhoro ũrĩa mwega.”​—1Ko 9:22, 23.

Nĩ maũndũ ta marĩkũ mangĩgucĩrĩria andũ a gĩcigo kĩanyu?