Bibilia ya gũthikĩrĩria nĩ ĩrĩkũ? Nĩ Bibilia ya New World Translation ĩrekondetwo ĩgĩthomwo. Ĩrathiĩ na mbere ĩkĩrutagwo o kahora kahora na thiomi nyingĩ ũrĩa kũngĩhoteka. Ũndũ ũmwe wa mwanya wĩgiĩ Bibilia ĩyo ya gũthikĩrĩria nĩ atĩ ĩhũthĩrĩte mĩgambo ya andũ ngũrani harĩ andũ othe arĩa magwetetwo Bibilia-inĩ. Ciugo ithometwo ĩtĩtĩrithĩtio na njĩra njega ũndũ mũndũ angĩhota kũhũũra mbica nĩguo anyite ndũmĩrĩri ya Bibilia ũrĩa kwagĩrĩire.

Andũ amwe magunĩkĩte atĩa nĩ ũndũ wa kũhũthĩra Bibilia ya gũthikĩrĩria? Andũ aingĩ arĩa mamĩthikagĩrĩria kaingĩ, nĩ monete atĩ nĩ mahotete gũtaũkĩrũo nĩ Kiugo kĩa Ngai makĩria. Nĩ monete atĩ gũthikĩrĩria mĩgambo ya andũ ngũrani magĩthoma nĩ kũmateithĩtie kũhũũra mbica maũndũ marĩa magwetetwo na gũtaũkĩrũo wega nĩ maũndũ marĩa mandĩkĩtwo. (Thi 4:5) Ningĩ aingĩ ao nĩ monete atĩ gũthikĩrĩria Bibilia ĩyo ĩgĩthomwo nĩ gũtũmaga maigue wega rĩrĩa marĩ na mĩtangĩko.—Thb 94:19.

Gũthikĩrĩria Kiugo kĩa Ngai gĩgĩthomwo na mũgambo no gũkorũo na maumĩrĩra mega ũtũũro-inĩ witũ. (2Ma 34:19-21) Angĩkorũo Bibilia ya gũthikĩrĩria nĩ ĩroneka ĩrĩ gĩcunjĩ kana ĩrĩ yothe na rũthiomi rũrĩa ũrataũkĩrũo-rĩ, hihi no wĩigĩre muoroto wa kũmĩthikagĩrĩria kaingĩ ĩrĩ gĩcunjĩ kĩa maũndũ maku ma kĩĩroho?

WĨRORERE GĨCUNJĨ KĨA VIDEO YA KŨRUTA BIBILIA YA GŨTHIKĨRĨRIA, ŨCOKE ŨCOKIE KĨŨRIA GĨKĨ:

Nĩ ũndũ ũrĩkũ wagũkenia wĩgiĩ kũrutwo kwa Bibilia ya gũthikĩrĩria?