Kwambĩrĩria ndeereti tũrĩ maũndũ-inĩ maitũ ma o mũthenya, nĩ njĩra ĩmwe tũngĩkenera mũno kũhunjĩria andũ nayo na ĩkorũo ĩrĩ na maumĩrĩra mega. O na kũrĩ ũguo, mũndũ no atangĩke mũno nĩ ũrĩa ekwambĩrĩria ndeereti angĩĩciria mũno ũrĩa ekũingĩria ũhoro wĩgiĩ Bibilia ndeereti-inĩ ĩyo. No handũ ha gwĩciria mũno ũrĩa ũkũhunjĩria ũrĩa mũraria nake, muonie tu atĩ nĩ ũrakenio nĩwe. (Mat 22:39; Afi 2:4) Nĩ harĩ indo nyingĩ mũno ingĩgũteithia hangiumĩra mweke wa gũtaarĩria wĩtĩkio waku rĩrĩa mũrathiĩ na mbere na ndeereti.

Indo ici ingĩgũteithia atĩa kũhunjĩria mũndũ igũrũ rĩgiĩ ũndũ waumĩra ndeereti-inĩ?

WĨRORERE VIDEO YA “KĨGERA KĨNOORAGA KĨGERA”—KWAMBĨRĨRIA NDEERETI, ŨCOKE ŨCOKIE KĨŨRIA GĨKĨ:

Nĩ maũndũ marĩkũ matatũ mangĩtũteithia kwagagĩria ũhoti witũ wa kwambĩrĩria ndeereti?