Magerio no matũũrage ngoro na njĩra hũthũ, makĩria rĩrĩa maikara ihinda iraihu. Daudi nĩ aamenyaga atĩ mũthia-inĩ, igerio rĩrĩa aacemanagia narĩo nĩ ũndũ wa Mũthamaki Saulu nĩ rĩngĩathirire, na atĩ nĩ angĩatuĩkire mũthamaki o ta ũrĩa Jehova aaugĩte. (1Sa 16:13) Wĩtĩkio wa Daudi nĩ wamũteithirie gũkirĩrĩria na gweterera Jehova.

Rĩrĩa twacemania na igerio, no tũhũthĩre ũũgĩ, ũmenyo, kana ũhoti wa gwĩciria gũtũma maũndũ magagĩre. (1Sa 21:12-14; Thi 1:4) O na kũrĩ ũguo, moritũ mamwe no mathiaga na mbere o na thutha wa gwĩka ũrĩa wothe tũngĩhota kũringana na motaaro ma Bibilia. Hĩndĩ ta ĩyo, no mũhaka tũkorũo na ũkirĩrĩria na tweterere Jehova. Ica ikuhĩ nĩ ekũniina mathĩna maitũ mothe, na ‘atũgirie maithori mothe’ kuuma maitho-inĩ maitũ. (Kũg 21:4) O na tũngĩona ũteithio nĩ ũndũ wa Jehova kũingĩrĩra maũndũ kana nĩ ũndũ wa itũmi ingĩ, no tũkorũo na ma na ũndũ ũyũ: Gũtirĩ igerio rĩtarĩ mũthia. Kũririkana ũndũ ũcio no gũtũũmĩrĩrie.

WĨRORERE VIDEO YA ANDŨ MARĨ NA ŨRŨMWE THĨINĨ WA THĨ NGAYŨKANU, ŨCOKE ŨCOKIE CIŨRIA ICI:

• Nĩ moritũ marĩkũ Akristiano amwe arĩa maaikaraga gĩcigo kĩa mũhuro kĩa Amerika maacemanirie namo?

• Moonanirie wetereri na wendo atĩa?

• Maathiire na mbere atĩa kũiga meciria mao harĩ “maũndũ marĩa ma bata makĩria”?—Afi 1:10