Jehova endaga tũmũtungatĩre nĩ ũndũ wa kũmwenda. (Mat 22:37, 38) Kwenda Ngai nĩkuo gũgũtũma arutwo a Bibilia meke mogarũrũku marĩa marabatarania, na kũrũgama mehandĩte hĩndĩ ya magerio. (1Joh 5:3) Kwenda Ngai nĩkuo gũkũmatindĩka kũbatithio.

Teithia arutwo aku kuona ũrĩa Ngai amonagia wendo. Moragie ciũria ta: “Ũndũ ũyũ ũrakũruta atĩa igũrũ rĩgiĩ Jehova?” kana “Ũndũ ũyũ ũronania atĩa atĩ Ngai nĩ akwendete?” Mateithie kuona ũrĩa Jehova amateithagia ũtũũro-inĩ wao. (2Ma 16:9) Mahe ngerekano cia maũndũ wanahoya Jehova na agĩcokia mahoya maku, na ũmekĩre ngoro marorage ũrĩa Jehova aracokia mahoya mao. Nĩ tũkenaga mũno tuona arutwo a Bibilia magĩkenera wendo wa Jehova, na makĩmuonia atĩ nĩ mamwendete.

WĨRORERE VIDEO YA TEITHIA ARUTWO AKU A BIBILIA GŨKŨRIA ŨRATA WA HAKUHĨ NA JEHOVA, ŨCOKE ŨCOKIE CIŨRIA ICI:

• Nĩ ũndũ ũrĩkũ mũritũ Jane aacemanirie naguo?

• Anita aateithirie Jane atĩa?

• Jane aahotire atĩa gũtooria ũndũ ũcio mũritũ?