Daudi aatooririe Goliathu tondũ nĩ eehokete Jehova. (1Sa 17:45) Jehova nĩ endaga kuonania hinya wake nĩ ũndũ wa ndungata ciake ciothe. (2Ma 16:9) Tũngĩonania atĩa atĩ nĩ twĩhokete ũteithio ũrĩa Jehova aheanaga, handũ ha kwĩhoka ũũgĩ na ũhoti witũ? Reke tuone njĩra ithatũ.

• Hoyaga kaingĩ. Ndũkahoyage tu Jehova akuohere mahĩtia maku, no ningĩ hoyaga akũhe hinya wa kũhiũrania na magerio. (Mat 6:12, 13) Ndũkahoyage tu Jehova arathime matua marĩa ũtuĩte, no ningĩ hoyaga akũhe ũtongoria na ũũgĩ mbere ya gũtua matua.—Jak 1:5

• Koragwo na mũtaratara mwega wa gũthoma Bibilia na kwĩruta. Thomaga Bibilia o mũthenya. (Thb 1:2) Wĩcũranagie ngerekano iria irĩ thĩinĩ wa Bibilia, na ũkahũthĩra maũndũ marĩa weruta. (Jak 1:23-25) Wĩhaaragĩrie nĩ ũndũ wa ũtungata, handũ ha kwĩhoka o maũndũ marĩa werutire tene. Gunĩka biũ kuumana na mĩcemanio ya kĩũngano na njĩra ya kũhaaragĩria kabere maũndũ marĩa megũthomwo

• Nyitanagĩra na ithondeka rĩa Jehova. Menyaga ũtongoria wa ica ikuhĩ wa ithondeka rĩa Jehova, na ũkawathĩkĩra ũtekũmaĩrĩria. (Nda 9:17) Athĩkagĩra ũtaaro na ũtongoria wa athuri a kĩũngano.—Ahi 13:17

WĨRORERE VIDEO YA TŨTIRABATARA GWĨTIGĨRA KŨNYARIRŨO, ŨCOKE ŨCOKIE CIŨRIA ICI:

• Nĩ maũndũ marĩkũ aarĩ na ariũ a Ithe witũ meetigagĩra?

• Nĩ kĩĩ kĩamateithirie gũtooria guoya?