Arĩa makoragwo na mĩtugo mĩega no o tu mangĩgĩa na ũrata wa hakuhĩ hamwe na Jehova. (1Pe 1:14-16) Rĩrĩa arutwo a Bibilia matooria mĩtugo ĩtarĩ mĩega, no magĩe na famĩlĩ njega, ũgima mwega wa mwĩrĩ, na mahote kũhũthĩra mbia wega.

Mateithie mataũkĩrũo wega nĩ ithimi cia Jehova cia mĩtugo, kĩrĩa gĩtũmaga atwĩre tũcirũmĩrĩre, na ũrĩa tũgunĩkaga twaciathĩkĩra. Teithia arutwo aku a Bibilia gũcenjia mwĩcirĩrie wao, na ũndũ ũcio nĩ ũkũmateithia gwĩka wendi wa Jehova. (Ef 4:22-24) Mateithie makorũo na ma atĩ kũgerera ũteithio wa Jehova, no mahote gũtigana na mĩtugo ĩtarĩ mĩega ĩrĩa mamenyerete kwa ihinda iraihu. (Afi 4:13) Marute kũhoya Jehova rĩrĩa maigua makĩenda gwĩka ũndũ ũtarĩ mwega. Mateithie kũmenya nĩ maũndũ marĩkũ magĩrĩirũo gwĩthema, marĩa mangĩmaingĩria magerio-inĩ. Mekĩre ngoro mekage maũndũ mangĩmaguna handũ ha gwĩkaga maũndũ moru. Nĩ ũrĩgĩaga na gĩkeno rĩrĩa wona arutwo a Bibilia makĩhota gwĩka mogarũrũku kũgerera ũteithio wa Jehova.

WĨRORERE VIDEO YA TEITHIA ARUTWO AKU A BIBILIA GŨTIGANA NA MĨTUGO ĨTARĨ MĨEGA, ŨCOKE ŨCOKIE CIŨRIA ICI:

• Nĩ na njĩra ĩrĩkũ athuri a kĩũngano na Anita moonanirie atĩ maarĩ na ma Jane no acenjie?

• Anita aathiire na mbere gũteithia Jane atĩa?

• Jane eethire ũteithio kũrĩ Jehova na njĩra ĩrĩkũ?