Kĩririkano gĩtũheaga mweke mwega mũno wa gwĩcũrania irathimo cia mahinda mokĩte iria ikaahoteka nĩ ũndũ wa ũkũũri, na kĩmwe kĩa irathimo icio nĩ kũriũka. Jehova ndaabangĩte andũ makuage. Na nĩkĩo tũiguaga ruo rũingĩ mũno ngoro rĩrĩa makuĩrũo nĩ endwa ao. (1Ko 15:26) Jesu nĩ aaiguire ruo ngoro ona arutwo ake magĩcakaya nĩ ũndũ wa Lazaro. (Joh 11:33-35) Tondũ Jesu nĩ mũhianĩre mũkinyanĩru wa Ithe, no tũkorũo na ma atĩ Jehova nĩ aiguaga ruo ngoro rĩrĩa atuona tũgĩcakaya nĩ ũndũ wa gũkuĩrũo nĩ endwa aitũ. (Joh 14:7) Jehova nĩ eriragĩria mũno rĩrĩa akaariũkia ndungata ciake, o na ithuĩ nĩ tũbatiĩ kwĩrirĩria.—Ayu 14:14, 15.

Tondũ Jehova nĩ Ngai wa mĩbango, no twĩrĩgĩrĩre atĩ andũ makaariũkio na mũbango. (1Ko 14:33, 40) Handũ ha mathiko, no kũhoteke gũgaakoragwo na mahinda ma kwamũkĩra arĩa makaariũkio. Hihi nĩ wĩcũranagia ũhoro wa kũriũka, makĩria rĩrĩa ũracakaya? (2Ko 4:17, 18) Nĩ ũcokagĩria Jehova ngatho nĩ ũndũ wa kĩheo kĩa ũkũũri na nĩ ũndũ wa kũguũria Maandĩko-inĩ make atĩ andũ nĩ magaatũũra rĩngĩ?—Kol 3:15.

• Nĩ arata arĩkũ na andũ a famĩlĩ wĩriragĩria gũkoona rĩngĩ?

• Nĩ mũndũ ũrĩkũ ũrĩ thĩinĩ wa Bibilia wĩriragĩria gũkoona na kwaria nake?