MŨTHITHŨ KUUMA KIUGO-INĨ KĨA NGAI | AYUBU 1-5
Ayubu nĩ Aatũũririe Wĩkindĩru Rungu rwa Magerio
Ayubu aatũũraga bũrũri wa Uzu rĩrĩa Aisiraeli maarĩ ngombo Misiri. O na gũtuĩka ndaarĩ Mũisiraeli, nĩ aatungatagĩra Jehova arĩ mwĩhokeku. Aarĩ na famĩlĩ nene, ũtonga mũingĩ, na andũ nĩ maagucagĩrĩrio nĩwe. Aarĩ mũtaarani ũrĩ gatũ na ndaarĩ na mũthutũkanio. Nĩ aateithagia athĩni na arĩa mateehotete. Ayubu nĩ aarũmĩtie wĩkindĩru wake.
Ayubu nĩ onanirie wega atĩ Jehova nĩwe warĩ Mũndũ ũrĩa wa bata mũno ũtũũro-inĩ wake
-
Shaitani nĩ onire atĩ Ayubu nĩ aarũmĩtie wĩkindĩru wake. Ndaaregaga atĩ Ayubu aarĩ mwathĩki harĩ Jehova; no eekagĩrĩra nganja muoroto wake
-
Shaitani oigire atĩ Ayubu aatungatagĩra Jehova nĩguo egune we mwene
-
Nĩguo kũmenyeke kana Shaitani aaragia ma, Jehova nĩ eetĩkĩririe Shaitani atharĩkĩre mũthuri ũcio warĩ mwĩhokeku. Shaitani nĩ aareheire Ayubu maũndũ maingĩ moru mũno
-
Rĩrĩa Ayubu aarũmirie wĩkindĩru wake, Shaitani nĩ eekĩrĩire nganja wĩkindĩru wa andũ arĩa angĩ othe
-
Ayubu ndaigana kwĩhia kana akĩona ta Ngai ahĩtĩtie
