Broshua Thikĩrĩria Ngai ĩharĩrĩirio nĩguo ĩteithie kũrutana ma cia Bibilia ĩkĩhũthĩra mbica kũrĩ andũ arĩa matahotaga gũthoma. O ithomo rĩkoragwo tũratathi-inĩ twĩrĩ na nĩ rĩrĩ mbica iharĩrĩirio wega na igekĩrũo tũrũũri tũronania ũrĩa irũmanĩrĩire.

Broshua Thikĩrĩria Ngai na Ũtũũre Tene na Tene ĩkoragwo na mbica o ta iria irĩ thĩinĩ wa broshua Thikĩrĩria Ngai, no nĩ ĩkoragwo na ũhoro mũingĩ wandĩkĩtwo na no ĩhũthĩrũo nĩ arũtwo arĩa marĩ na ũhoti mũnini wa gũthoma. Kaingĩ ahunjia nĩ monaga arĩ wega kũmĩhũthĩra rĩrĩa marathoma na mũrutwo ũrahũthĩra Thikĩrĩria Ngai. Tũratathi tũingĩ nĩ tũkoragwo na tũthandũkũ tũrĩ na ũhoro muongerere na no warĩrĩrio, kũringana na ũhoti wa mũrutwo.

No ũheane broshua icio ihinda o rĩothe, o na angĩkorũo ticio iraheanwo mweri-inĩ ũcio. Rĩrĩa ũratongoria wĩruti wa Bibilia, hũthĩra mbica gũtaarĩria ũhoro ũrĩa ũrĩ thĩinĩ wa Bibilia. Ũria ciũria nĩguo mũrutwo eyarie na nĩguo ũmenye kana nĩ aranyita. Thomai na mwarĩrĩrie maandĩko marĩa marĩ mũhuro wa o karatathi. Mwarĩkia kwĩruta broshua ĩyo, mũrutwo agĩrĩire kwambĩrĩria gũthoma Bibilia Ĩrutanaga Atĩa Kũna? Kana Bibilia Ĩtũrutaga Atĩa? nĩguo athiĩ na mbere nginya abatithio.