Jeremia aatũmirũo athiĩ akahe Ayahudi mũkaana wĩgiĩ kwanangwo kũrĩa kũngĩamakorire tondũ nĩ maariganĩirũo nĩ Jehova Ngai wao. (Je 13:25) Nĩ kĩĩ gĩatũmĩte ũrata wao na Jehova ũthũke ũguo? Famĩlĩ cia Aisiraeli nĩ ciariganĩirũo nĩ Jehova. Ũhoro wa ma nĩ atĩ, ciongo cia famĩlĩ itiarũmagĩrĩra ũtongoria wa Jehova ũrĩa ũrĩ thĩinĩ wa Gũcokerithia Maathani 6:5-7.

Famĩlĩ irĩ na hinya kĩĩroho nĩcio ithondekaga ciũngano irĩ na hinya ũmũthĩ. Ciongo cia famĩlĩ ciagĩrĩirũo gũteithia famĩlĩ ciao iririkanage Jehova na njĩra ya gũkoragwo na Ũthathaiya wa Famĩlĩ ũrĩ na umithio na ũtaratĩĩrĩrio. (Thab 22:27) Thutha wa kwĩrorera video “Mohoro Maya . . . Reka Matũũre Ngoro-inĩ Yaku”—Kũhoya Famĩlĩ Ũhoro, cokia ciũria ici:

• Famĩlĩ imwe ihotete atĩa gũtooria moritũ mamwe marĩa mangĩtũma ciage gwĩka ũthathaiya wa famĩlĩ?

• Irathimo imwe cia gũkoragwo na Ũthathaiya wa Famĩlĩ ũtaratĩĩrĩrio nĩ irĩkũ?

• Nĩ moritũ marĩkũ tũkoragwo namo ũthathaiya-inĩ witũ wa famĩlĩ, na ndĩrabanga kũmatooria atĩa?