ŨNDŨ ŨCIO NĨ WA BATA NĨKĨ? Arutwo a Bibilia mangĩkorũo mahaarĩirie, no mataũkĩrũo na ihenya na makaririkanaga maũndũ marĩa tũramaruta. O ũrĩa megũtaũkĩrũo nĩ maũndũ maingĩ na makamaririkana, noguo megũkũra kĩĩroho na ihenya. O na thutha wa kũbatithio, no makabatara kũhaaragĩria mĩcemanio na ũtungata nĩguo mahote ‘gũikaraga meiguĩte.’ (Mat 25:13) Kwoguo kũmenya ũrĩa mangĩĩruta na gũkorũo na mũtaratara mwega wa kwĩruta nĩ gũkũmateithia ũtũũro-inĩ wao wothe. Twagĩrĩirũo gũteithia arutwo aitũ mamenyere kũhaaragĩria, kuuma o twambĩrĩria kwĩruta Bibilia nao.

ŨRĨA TŨNGĨKA:

• Mũigĩre kĩonereria kĩega. (Ro 2:21) Haaragĩria harĩa mũgũthiĩ gũthoma na mũrutwo, ũgĩciragia ũhoro wake. (km 11/15 3) Muonie ũrĩa ũkururĩire ibuku rĩaku

• Mwĩkĩre ngoro ahaarĩrie. Wĩruti wa Bibilia wagĩa mĩri, reke mũrutwo amenye atĩ kũhaarĩria nĩ gĩcunjĩ kĩmwe kĩa wĩruti ũcio, na ũmũtaarĩrie ũrĩa mũndũ agunĩkaga ahaarĩria. Mwĩre nĩ maũndũ ta marĩkũ angĩka nĩguo onage mahinda ma kũhaarĩria. Ahunjia amwe nĩ manengeraga mũrutwo ibuku rĩao magĩthoma nĩgetha one bata wa kũhaarĩria. Mũcokagĩrie ngatho rĩrĩa ahaarĩria

• Muonie ũrĩa mũndũ ahaaragĩria. Ahunjia amwe makĩambĩrĩria kwĩruta na mũrutwo, nĩ mahũthagĩra harĩa marathoma hĩndĩ ĩyo kũmuonia ũrĩa angĩhaarĩria