• Hũthĩra andirethi yaku ĩrĩa ũngĩcokerio marũa nayo. Ũngĩona ta atarĩ ũndũ wa ũũgĩ kũheana andirethi yaku, no ũhũthĩre andirethi ya Nyũmba ya Ũthamaki ya kwanyu athuri a kĩũngano kĩanyu mangĩgwĩtĩkĩria. O na kũrĩ ũguo, NDŨKANAHŨTHĨRE andirethi ya wabici ya rũhonge nĩguo ũcokerio marũa nayo.

• Hũthĩra rĩĩtwa rĩa ũrĩa ũrandĩkĩra angĩkorũo nĩ ũrĩũĩ. Ũndũ ũcio no ũteithie ndagecirie atĩ marũa macio nĩ ma kũgaathĩrĩria indo cia biacara.

• Tigĩrĩra atĩ nĩ wandĩka ũrĩa kwagĩrĩire, warũmĩrĩra mũbangĩre wa ciugo, na wekĩra marũũri ma rũthiomi. Marũa magĩrĩire gũkorũo marĩ matheru. Angĩkorũo ũkwandĩka na guoko, tigĩrĩra mwandĩko ũcio nĩ ũrathomeka wega. Ciugo itiagĩrĩirũo gũkorũo irĩ cia kĩũrata mũno kana kĩĩwabici mũno.

Marũa maya ma kĩonereria nĩ maronania maũndũ macio. Matiagĩrĩire gũkobagio o ũrĩa marĩ hĩndĩ ciothe ũkĩandĩkĩra mũndũ marũa gĩcigo-inĩ kĩanyu. Andĩka marũa maku kũringana na muoroto ũrĩa ũrenda kũhingia, ũkĩririkanaga ũndũire wa kwanyu na ũrĩa maũndũ ma kwanyu matariĩ.