ŨNDŨ ŨCIO NĨ WA BATA NĨKĨ?: Andũ aingĩ arĩa matarĩ ũhoti wa kuona matiguaga maiganĩire makĩaria na andũ matoyaine nao. Kwoguo nĩ kũbataranagia ũũgĩ nĩguo tũhunjĩrie andũ ta acio. Jehova nĩ arũmbũyagia na wendo arĩa matarĩ ũhoti wa kuona. (Ala 19:14) No twĩgerekanie na kĩonereria gĩake na njĩra ya kuoya ikinya rĩa mbere gũteithia arĩa matarĩ ũhoti wa kuona merute ũhoro wa Jehova.

ŨRĨA TŨNGĨKA ŨGUO:

• ‘Caria’ arĩa matarĩ ũhoti wa kuona. (Mat 10:11) Hihi nĩ ũĩ famĩlĩ ĩrĩ na mũndũ ũtarĩ ũhoti wa kuona? Hihi gĩcigo-inĩ kĩanyu gĩa kũhunjia nĩ gũkoragwo na cukuru, mĩciĩ ya kũrũmbũiya andũ akũrũ, kana kũndũ kũngĩ ũngĩtwara mabuku ma andũ arĩa matarĩ ũhoti wa kuona?

• Onania nĩ ũrakenio nĩo. Ũngĩkorũo na ũrata na wonie mũndũ ũcio atĩ nĩ ũramũrũmbũiya, no aigue aiganĩire mũkĩaria nake. Geria kwambĩrĩria ndeereti ũkĩhũthĩra ũndũ ũngĩkenia andũ gĩcigo-inĩ kĩanyu

• Mahe ũteithio wa kĩĩroho. Ithondeka rĩa Jehova nĩ rĩrutĩte mabuku ma mĩthemba ĩtiganĩte ma gũteithia arĩa atumumu kana arĩa matonaga wega. Ũria mũndũ ũcio mũthemba wa ibuku ũrĩa angĩenda. Mũrori wa ũtungata nĩ agĩrĩirũo gũtigĩrĩra atĩ ũrĩa ũrũmbũyagia mabuku nĩ etia mabuku ma mũthemba ũrĩa mũndũ ũtarĩ na ũhoti wa kuona angĩhũthĩra