Jehova “Ngai ũrĩa mũkeni” endaga tũkenere ũtungata. (1Ti 1:11) Gĩkeno gitũ no kĩongerereke tũngĩĩrutanĩria kwagagĩria ũhoti witũ wa kũrutana. Kũria ciũria no kwarahũre wendi na nĩ njĩra njega ya kwambĩrĩria ndeereti. Ciũria nĩ itũmaga andũ mecirie na makinyĩrĩre itua rĩrĩa rĩagĩrĩire. (Mat 22:41-45) Rĩrĩa tuoria mũndũ kĩũria na twathikĩrĩria agĩtaarĩria, nĩ ta tũkoragwo tũkĩmwĩra, ‘Ũrĩ wa bata harĩ niĩ.’ (Jak 1:19) Macokio marĩa egũtũhe no matũteithie kũmenya ũrĩa tũgũtwarithia ndeereti na mbere.

WĨRORERE VIDEO YA GĨAGA NA GĨKENO GĨA GŨTUA ANDŨ ARUTWO​—AGAGĨRIA ŨHOTI WA KŨRUTANA—KŨŨRIA CIŨRIA, ŨCOKE ŨCOKIE CIŨRIA ICI:

• Jane oonanirie ngumo irĩkũ njega?

• Anita aahũthĩrire ciũria na njĩra ĩrĩkũ kuonania atĩ nĩ aakenagio nĩ Jane?

• Anita aahũthĩrire ciũria atĩa gũtũma Jane ende kũmenya makĩria ũhoro ũrĩa mwega?

• Anita aahũthĩrire ciũria atĩa gũteithia Jane ecirie na akinyĩrĩre itua rĩrĩa rĩagĩrĩire?