Akristiano othe nĩ magĩrĩirũo kwĩgirĩrĩria ũhoro-inĩ wĩgiĩ kũnyua njohi. (Thi 23:20, 29-35; 1Ko 6:9, 10) Mũkristiano angĩthuura kũnyua njohi, agĩrĩirũo gwĩka ũguo arĩ na ũigananĩru. Ningĩ nĩ agĩrĩirũo gwĩthema gwĩciria ũhoro wake tu rĩrĩa aranyua njohi, nĩguo ndakahĩnge andũ arĩa angĩ. (1Ko 10:23, 24; 1Ti 5:23) Gũtirĩ mũndũ wagĩrĩirũo gũtindĩkĩrĩrio anyue njohi, na makĩria andũ ethĩ.

WĨRORERE VIDEO YA MBICA CIA GŨCORŨO YA WĨCŨRANAGIE MOIMĨRĨRO MA KŨNYUA NJOHI ŨCOKE ŨCOKIE CIŨRIA ICI:

• Akristiano othe magĩrĩirũo gwathĩkĩra mawatho megiĩ kũnyua njohi nĩkĩ? —Ro 13:1-4

• Nĩkĩ tũtiagĩrĩirũo kũreka andũ arĩa angĩ matũtindĩkĩrĩrie tũnyue njohi?—Ro 6:16

• Tũngĩĩthema atĩa maũndũ marĩa mangĩtũingĩria ũgwati-inĩ ũrĩa umanaga na kũnyua njohi?