Ũcanjamũku nĩ ũgwatanagio. No ũtũme andũ mende gũthikĩrĩria ũrĩa tũrameera. Ningĩ nĩ wonanagia atĩ nĩ tũrona ndũmĩrĩri itũ ĩrĩ ya bata. Gũtekũmakania mĩrerere itũ, kana ũmũndũ witũ, no tũhote gũkorũo na ũcanjamũku. (Ro 12:11) Tũngĩka ũguo atĩa?

Wa mbere, wĩcirie bata wa ndũmĩrĩri ĩrĩa ũraheana. Nĩ ũkoragwo na mweke wa mwanya wa kũheana “ũhoro mwega wa maũndũ mega.” (Ro 10:15) Wa kerĩ, wĩcirie ũhoro wa maumĩrĩra mega marĩa ũhoro mwega ũngĩkorũo namo harĩ athikĩrĩria aku. Nĩ marabatara kũigua ndũmĩrĩri ĩrĩa ũrĩ nayo. (Ro 10:13, 14) Mũthia-inĩ, aria ũrĩ na ũcanjamũku na ũhũthĩre ciĩko cia mwĩrĩ iria ciagĩrĩire.

WĨRORERE VIDEO YA, GĨAGA NA GĨKENO GĨA GŨTUA ANDŨ ARUTWO​—AGAGĨRIA ŨHOTI WA KŨRUTANA— KŨRUTANA ŨRĨ MŨCANJAMŨKU, ŨCOKE ŨCOKIE CIŨRIA ICI:

• Nĩ kĩĩ gĩatũmire Anita age ũcanjamũku makĩĩruta Bibilia na Jane?

• Nĩ kĩĩ gĩateithirie Anita akorũo na ũcanjamũku rĩngĩ?

• Nĩkĩ nĩ twagĩrĩirũo gwĩciria ũhoro wa ngumo njega cia arĩa matũthikagĩrĩria?

• Ũcanjamũku witũ ũngĩhutia arutwo aitũ a Bibilia atĩa o hamwe na andũ angĩ?