Nĩ ũndũ mũhũthũ harĩ mũndũ mwĩthĩ gwĩciria atĩ ndagaakũra kana acemanie na “matukũ ma ũũru” marĩa makoraga andũ akũrũ thĩinĩ wa thĩ ĩno ya Shaitani. (Koh 12:1) Angĩkorũo ũrĩ mũndũ mwĩthĩ-rĩ, no wĩcirie atĩ ũrĩ na mahinda maingĩ mũno ma gũthingata ũtungata wa mahinda mothe.

“Maũndũ materĩgĩrĩirũo makoraga” andũ othe nginya andũ ethĩ. (Koh 9:11) “Mũtiũĩ ũrĩa ũtũũro wanyu ũgakorũo ũhaana rũciũ.” (Jak 4:14) Kwoguo, ndũkahũthĩrĩrie kũingĩra ũtungata-inĩ wa mahinda mothe. Ingĩrĩra “mũrango mũnene wa ũtungata,” rĩu wĩ mũhingũre. (1Ko 16:9) Na ndũkeerira.

• Kũhunjia na rũthiomi rũngĩ

• Ũtungata wa ũpainia

• Gũthiĩ cukuru cia gĩtheokrasi

• Wĩra wa mĩako

• Ũtungata wa Betheli

• Gũtuĩka mũrori wa mũthiũrũrũko