“Nĩ Njũĩ Ciĩko Ciaku”
-
‘Njata mũgwanja’: Nĩ athuri arĩa aitĩrĩrie maguta, o hamwe na athuri othe a ciũngano
-
“Guoko-inĩ . . . kwa ũrĩo” kwa Jesu: Njata icio ikoragwo rungu rwa hinya na ũtongoria wa Jesu. Angĩkorũo mũndũ ũrĩ kĩama-inĩ gĩa athuri nĩ arabatara kũrũngwo, Jesu nĩ agaatigĩrĩra atĩ nĩ arũngwo ihinda rĩrĩa rĩagĩrĩire na kũgerera njĩra ĩrĩa yagĩrĩire
-
“Mĩtĩ mũgwanja ya kũigĩrĩrũo matawa ya thahabu”: Nĩ ciũngano cia Gĩkristiano. O ta ũrĩa mĩtĩ ya kũigĩrĩrũo matawa yarutaga ũtheri gĩikaro-inĩ kĩrĩa kĩamũre, no taguo ciũngano cia Gĩkristiano irutaga ũtheri wa kĩĩroho. (Mat 5:14) Jesu ‘athiagĩra gatagatĩ-inĩ’ ka mĩtĩ ya kũigĩrĩrũo matawa na njĩra ya atĩ nĩ aroraga maũndũ marĩa marekĩka ciũngano-inĩ ciothe