Mahoya metĩkĩrĩku mahaana ta ũbumba ũranunga wega ũrĩa warutagwo hĩndĩ ciothe mbere ya Jehova hekarũ-inĩ. (Thab 141:2) Rĩrĩa twera Ithe witũ wa igũrũ atĩ nĩ tũmwendete na tũkamũcokeria ngatho, tũkamwĩra mĩtangĩko itũ na maũndũ marĩa tũrerirĩria, na tũkamũhoya ũtongoria, tuonanagia atĩ nĩ tuonaga ũrata witũ nake ũrĩ wa bata. Hatarĩ nganja, Jehova nĩ onaga mahoya makuhĩ marĩa marutagwo hĩndĩ ya mĩcemanio marĩ gĩcunjĩ kĩa bata kĩa ũthathaiya witũ. O na kũrĩ ũguo, Jehova nĩ akenaga mũno rĩrĩa twamũitũrũrĩra ngoro citũ mahoya-inĩ maitũ kĩũmbe na tũkaria nake ihinda iraihu.—Thi 15:8.

WĨRORERE VIDEO YA MAHOYA NĨ MA BATA MŨNO HARĨ NIĨ, ŨCOKE ŨCOKIE CIŨRIA ICI:

• Nĩ mĩeke ĩrĩkũ ya ũtungata Mũrũ wa Ithe Witũ Johnson akeneire?

• Mũrũ wa Ithe Witũ Johnson onanĩtie atĩa atĩ nĩ ehokete Jehova kũgerera mahoya?

• Nĩ maũndũ marĩkũ ũreruta kuumana na rũgano rwa Mũrũ wa Ithe Witũ Johnson?