Rĩmwe no tũrutĩre andũ arĩa angĩ wĩra na kĩyo no makaga kuonania ngatho na makariganĩrũo na ihenya. Ĩ naguo wĩra ũrĩa tũrutagĩra Jehova? Jehova ndangĩriganĩrũo nĩ wĩra ũrĩa twanamũrutĩra na ngoro itũ yothe, na nĩ awonaga ũrĩ wa bata. O na tũngĩaga kũhingia maũndũ marĩa tũrahingagia tene nĩ ũndũ wa mathĩna ma mwĩrĩ, ndangĩtũtiganĩria.—Ahi 6:10.

WĨRORERE VIDEO YA JEHOVA NĨ ARIRIKANAGA, ŨCOKE ŨCOKIE CIŨRIA ICI:

• Nĩ na njĩra ĩrĩkũ Mũrũ wa Ithe Witũ Hibshman atungatĩire Jehova na kĩyo mĩeke-inĩ ĩtiganĩte ya ũtungata?

• Jehova aaririkanire Mũrũ wa Ithe Witũ Hibshman atĩa thutha wa mũtumia wake gũkua na rĩrĩa aaremirũo kũhingia maũndũ maingĩ nĩ ũndũ wa ũkũrũ?

• Nĩ kĩĩ kĩngĩtũma tuuge atĩ ũtũũro wa Mũrũ wa Ithe Witũ Hibshman arĩ ũtungata-inĩ wa mahinda mothe ũkoretwo na irathimo nyingĩ?—Thi 10:22