Ibuku rĩa Thimo nĩ rĩkoragwo na motaaro mega mũno mangĩteithia aciari. O ta ũrĩa mũtĩ ũrũngagwo ũrĩ mũnini, no taguo kũmenyeria ciana gũtũmaga ciĩrirĩrie gũtungatĩra Jehova cianeneha.

22:6

• Kũmenyeria ciana na njĩra ĩrĩa yagĩrĩire nĩ kũbataraga kĩyo na mahinda maingĩ

• No mũhaka aciari makorũo marĩ kĩonereria kĩega harĩ ciana ciao, maciheage motaaro na njĩra ĩrĩa yagĩrĩire, magacirũnga, magaciĩkĩra ngoro, na magacirũithia

22:15

• Kũrũithia nĩ kũmenyeria na njĩra ya wendo, ĩrĩa ĩrũngaga meciria na ngoro

• Ciana nĩ ibataraga kũrũngwo na njĩra itiganĩte