Kwaria Mũno: Ndũkone ta arĩ o mũhaka ũtaarĩrie maũndũ mothe. Jesu aahũthagĩra ciũria gũteithia andũ mecirie na makinyĩre itua rĩrĩa rĩagĩrĩire. (Mat 17:24-27) Ciũria nĩ itũmaga mũkenere wĩruti na igagũteithia kũmenya ũrĩa mũrutwo arataũkĩrũo nĩ ũhoro, na maũndũ marĩa etĩkĩtie. (be 253 kĩb. 3-4) Woria kĩũria, eterera mũrutwo acokie. Angĩcokia ũrĩa gũtarĩ, mũteithie kũmenya macokio ũkĩhũthĩra ciũria ingĩ, handũ ha kũmũhe macokio ma ĩmwe kwa ĩmwe. (be 238 kĩb. 1-2) Ndũkarie na ihenya mũno kana kahora mũno ũndũ mũrutwo atekũnyita maũndũ merũ.—be 230 kĩb. 4.

Kũritũhia Ũhoro: Wĩtheme kwaria maũndũ mothe marĩa ũĩ megiĩ ũhoro ũcio. (Joh 16:12) Tĩtĩrithia ũndũ ũrĩa mũnene kĩbungo-inĩ kĩu. (be 226 kĩb. 4-5) Ũhoro mũingĩ, nginya ũhoro ũrakenia mũndũ, no ũthiĩke maũndũ marĩa manene. (be 235 kĩb. 3) Mũrutwo ataũkĩrũo nĩ ũndũ ũrĩa mũnene, thiĩi kĩbungo kĩrĩa kĩrũmĩrĩire.

O Kũrĩkia Gĩcunjĩ: Muoroto witũ nĩ gũkinyĩra ngoro, no ti kũrĩkia gĩcunjĩ. (Lu 24:32) Hũthĩra ũhoti wa Kiugo kĩa Ngai na njĩra ya gũtĩtĩrithia maandĩko marĩa manene ithomo-inĩ. (2Ko 10:4; Ahi 4:12; be 144 kĩb. 1-3) Hũthĩra ngerekano hũthũ. (be 245 kĩb. 2-4) Wĩcirie ũhoro wa moritũ marĩa mũrutwo aracemania namo na maũndũ marĩa etĩkĩtie, nĩguo ũhũthĩre ithomo rĩu kũmũteithia. Mũũrie ciũria ta ici: “Ũrona atĩa maũndũ maya tũreruta?” “Ũndũ ũyũ ũratũruta atĩa ũhoro wĩgiĩ Jehova?” “Ũkuona ta tũngĩgunĩka atĩa twahũthĩra ũtaaro ta ũyũ?”—be 238 kĩb. 3-5; 259 kĩb. 1.