Jehova atũheete “thiritũ yothe” ya aarĩ na ariũ a Ithe witũ nĩgetha matũteithie. (1Pe 5:9) No matũteithie kũhiũrania na moritũ marĩa tũngĩcemania namo ũtungata-inĩ. Kwa ngerekano, mũtũmwo Paulo nĩ aagunĩkire kuumana na ũteithio wa Akila na Pirisila, Sila, Timotheo, na andũ angĩ.—Atũ 18:1-5.

Aarĩ na ariũ a Ithe witũ mangĩgũteithia atĩa ũtungata-inĩ? No makwĩre maũndũ ũngĩka nĩgetha ũhiũranie na mĩhĩnga, ũhote gũcokera andũ, kana kwambĩrĩria na gũtongoria wĩruti wa Bibilia. Wĩcirie ũhoro wa mũndũ ũngĩkũhe ũteithio ũrĩa ũrabatara kĩũngano-inĩ kĩanyu, na ũmwĩre agũteithie. Inyuerĩ nĩ mũkũgunĩka, na o ũmwe wanyu nĩ egũteithia ũrĩa ũngĩ kũgĩa na gĩkeno.—Afi 1:25.

WĨRORERE VIDEO YA GĨAGA NA GĨKENO GĨA GŨTUA ANDŨ ARUTWO​—ĨTĨKĨRA ŨTEITHIO WA JEHOVA— AARĨ NA ARIŨ A ITHE WITŨ, ŨCOKE ŨCOKIE CIŨRIA ICI:

• Anita eekire atĩa nĩgetha ekĩre Jane ngoro athiĩ mĩcemanio ya kĩũngano?

• Twagĩrĩirũo kũnyita ũgeni ahunjia arĩa angĩ nĩkĩ rĩrĩa tũreruta na arutwo aitũ?

• Nĩ ũndũ ũrĩkũ Jane maahaanainie na Abigail?

• Nĩ maũndũ marĩkũ megiĩ ũtungata ũngĩĩruta kuumana na aarĩ na ariũ a Ithe witũ?