Ũtũũro matukũ-inĩ maya ma kũrigĩrĩria ũiyũire moritũ. O ũrĩa tũrakuhĩrĩria mũthia wa mũtabarĩre ũyũ wa maũndũ, noguo moritũ megũthiĩ mongererekete. Rĩmwe no twage indo imwe cia kĩĩmwĩrĩ. (Hab 3:16-18) Nĩ kĩĩ kĩngĩtũteithia gũkorũo na ma atĩ no tũhote gũkirĩrĩria moritũ ma kĩĩmbeca? No mũhaka tũthiĩ na mbere kwĩhoka Jehova Ngai witũ. Nĩ eranĩire atĩ nĩ ekũrũmbũiya ndungata ciake, na no ahote gũtũhe kĩrĩa tũrabatara o na kũngĩkorũo kũhaana atĩa.—Thb 37:18, 19; Ahi 13:5, 6.

Ũrĩa ũngĩka:

• Hoya Jehova akũhe ũtongoria, ũũgĩ, na agũteithie.—Thb 62:8

• Korũo wĩhaarĩirie kũruta wĩra nginya ũrĩa ũtarĩ waruta.—g 1/10 8-9, tũthandũkũ

• Korũo na mũtaratara mwega wa maũndũ ma kĩĩroho ta gũthoma Bibilia o mũthenya, gũthiĩ mĩcemanio ya kĩũngano, na kũnyitanĩra ũtungata-inĩ

WĨRORERE VIDEO YA AKA NYŨMBA ĨKŨHOTA GWĨTIRIA—‘IGANAGĨRA NA INDO IRIA ŨRĨ NACIO,’ ŨCOKE ŨCOKIE CIŨRIA ICI:

• Famĩlĩ imwe icemanĩtie na moritũ marĩkũ?

• Nĩ ũndũ ũrĩkũ wa bata mũno ũtũũro-inĩ?

• Tũngĩteithia atĩa arĩa marĩ na moritũ ma kĩĩmbeca?